PDF《台南的点心摊》

台南的点心摊 台南市立安顺国中 刘和纯 甲:讲著台南,你会想著啥? 乙:想著「呷」啊! 阿讲著「呷」舂头扣破额! 丙:这啥物意思? 乙:就是讲台南人真顾「呷」啊! 甲:台南人真顾「呷」 ,按呢敢好? 乙:无法度,因为台南诚济好呷的物件呀!会呷袂赴,所以一定爱真顾呷! 丁: 诚济好呷的物件?讲来看 mai 乙:台南有名的点心摊有:渡小月担仔面、棺材板、蚵仔煎、安平豆花、国华街芋 @、福记肉圆、阿松割包、富胜号碗@、金德润饼、牛肉汤、虱目鱼粥、阿憨咸 粥、水仙宫烧肉饭、土托鱼羹、肉燥饭、小卷米粉、鳝鱼意面、周氏虾卷……, 十只手指头算不了,爱甲脚趾头来算! 甲:真正足济,呷拢袂了! 乙:不是按呢而已! 丙:犹搁有? 乙:头前讲的大部分是古早味!犹搁有即马很流行的夜市文化,台南人足爱踅夜市 仔,外地人来台南嘛一定会去踅夜市仔! 丁:我嘛真爱踅夜市仔!你拢踅啥物夜市仔? 乙:我上爱去踅花园夜市,花园夜市真有名,伫全省嘛排有著等!所以人足多,踅 花园夜市上特别的所在就是毋免家己走路.

丁:踅花园夜市毋免家己走路?是按哪讲? 乙:后壁的人就会磕阈欣! 丁:遮尔好!花园夜市有啥物好呷的? 乙:有鸭肉面、蚵仔煎、臭豆腐、割包、三角饭丸. 丙:夜市是呷暗顿,啊若日时是欲去佗食? 乙:台南市区足济所在,亲像国华街、大菜市、友爱街、水仙宫、民族路、海安 路、府前路、安平老街、保安市场逐位都会当呷!就连咱安南区的果菜市场都有 足济好呷ㄟ物件! 丙:你讲安南区的果菜市场吗?我知影果菜市场有卖果子、卖菜、卖鱼卖肉,阮兜 都在遐买菜,遐有啥物好呷的?无你嘛介绍一下! 乙:有几若摊有名的点心摊,亲像有牛肉汤、万长卤味、猪血汤,遮都要排的, 而且较慢去就买没啊! 丙:敢按呢?多谢你共我讲,我后摆知影爱去佗买了!是讲你介绍遮麽多好料ㄟ!你 上爱呷佗一味? 乙:讲实在ㄟ,我上爱呷牛肉汤! 甲:是按怎你爱呷牛肉汤? 乙:因为牛肉汤汤头真正是足有滋味啊!呷一摆就著了! 甲:我嘛真爱呷牛肉汤,到底牛肉汤迷人的所在是伫佗位? 乙:我共你讲,牛肉汤的汤头是用牛大骨、大头葱、几若项菜去p出来的,牛肉 是现d的牛肉切得薄薄的!用烧汤淋落去,一会儿就熟了!汤头足清甜ㄟ!予你一喙 接一喙呷甲停不落来,搁配一碗卤肉饭,会使讲呷饱搁讲巧! 甲:你讲甲喙涎强会流落来! 乙: 腹肚枵阿啦!顾腹肚卡赢顾佛祖,行,咱就来去呷牛肉汤. 甲:不是爱排? 乙:对阿!先去先排,毋通跟不著阵! 甲:按呢紧来去!